家上海 (奧海城三期)

营业中

休息中

黎依間野真係最好book位，星期日食lunch 1點左右大概等左5分鐘，算快，平時夜晚真係等耐啲。今次叫左蒸小籠包、煎小籠包、流沙包，燒雞半隻同揚州炒飯。燒雞真係好好食，皮脆肉嫩，白肉位置都handle得好好唔會好鞋，真心必食推介！蒸小籠包都好好食，皮薄多汁！煎小籠包皮厚身啲都有汁。不過你問我我就中意蒸小籠包多啲😆流沙包好細粒感覺精緻，不過可能等到凍左佢唔流心？變左普通奶皇包咁，不過都軟林林好好食。最後揚州炒飯本身我就麻麻，屋企人中意食，好多火腿粒，炒得都好夠味既。服務依度係一流，都唔使舉手staff已經keep住加水，即使人多又唔會吹你走，無限時，坐得又舒服，總結：快靚正！