燒肉801 (荃灣廣場)

营业中

休息中

平時食燒肉都係去牛角多，今次喺荃灣見到有間睇落幾唔錯就入左去，結果食落都真係好唔錯。今次兩個人，叫左一個801盛(大判燒！黑毛和牛肩胛肉、腹前牛小排、䓤鹽味雞腿肉配米飯set - $198+25)、神盛(特上牛胸腹肉、腹前牛小排、牛板腱肉 - $168)、大判燒！黑毛和牛肩胛肉($128)。眼利嘅應該見到，我地單點嘅和牛係同我地set嘅係重覆左，叫完覺得自己蠢左，但點知呢個先係最聰明嘅決定！其實啲set都幾抵食，價錢唔算太貴，但一次過食到幾款。神盛裏面雖然無和牛，但每款牛肉都好軟稔，唔會食到有筋。我自己比較鍾意腹前牛小排同特上牛胸腹肉，呢兩款都比較有咬口，亦都保留住肉汁。801盛真係大推大家試下！！我自己本身麻麻地燒雞，因為成日都會食到啲好鞋嘅雞，但呢度完全唔會，燒完都仲係好滑！最要大推嘅原因係佢個黑毛和牛肩胛肉，真係 超 級 好 食 ！應該係因為和牛，所以佢油脂重啲，食太多可能會有少少漏，但係我放佢喺最後已經八分飽嘅時候時候，都仍然遮蓋唔到佢嘅出色！軟稔稔又重牛肉味，再點埋蛋汁食，其實自己食完一塊都有啲唔夠喉嘅感覺極度推介大家去試下個801盛，見到佢話lunch嘅話會免費配白飯同味噌