牛角日本燒肉專門店 (海運大廈)

营业中

休息中

今日突然好想食燒肉，朋友建議去海港城牛角日本燒肉專門店，順便可以行街買衫。這間日式燒肉店成日都大排長龍，今日因為我地好早去到，所以唔使排隊就有得食，好開心。不過原來星期六日個餐牌同平日有小小唔同，無左平日有的特價餐，所以我哋今次叫了二人套餐。二人套餐的份量都幾多，有燒肉拼盤，拼盤有齊牛肉，豬肉，雞肉唔同的部位。燒物仲有蜜糖香腸，兩隻大蝦和四品野菌盛盒。另外仲有日式花椒雞絲沙律，梅子番茄，牛角飯和香蔥溫泉玉子飯，再加埋餐飲真係非常滿足，食到勁飽。講番碟燒肉拼盤，肉的款式有成6款，都算多，當中牛肋肉同牛舌燒完真係超好味，好重牛味。