影片
更多
2025-07-24
0 浏览
早幾日放假遇上打風，搞到冇哂心機；忽然諗起之前同事介紹天后有間好正嘅燒肉放題，於是即約埋朋友收工去試！😋 天后 #燒肉屋 主打日韓創意燒肉，現正有 $348（加一）120分鐘放題，仲包 D24榴槤任食、任飲，Häagen-Dazs 杯裝雪糕都無限供應！午市仲有九折優惠，小朋友同長者亦有折扣，CP值超高！餐廳裝修有濃濃嘅日韓風，門口仲設計得似燒肉販賣機，好有創意。 燒肉推介 1. 荔枝牛肩胛串串 ⭐特別推薦 牛肩胛肉經過特調醬汁醃製，帶少少荔枝嘅清甜香氣，燒完之後肉質柔軟又多汁，香氣滿分！ 2. 澳洲和牛M67牛板腱 澳洲和牛質素有保證，牛板腱部位油花均勻，燒完之後口感嫩滑，配少少鹽食已經好滿足。 3. 精修牛舌芯 ⭐特別推薦 牛舌芯選用最嫩嘅部位，口感煙韌而唔硬，燒至微焦啱啱好，絕對係牛舌愛好者嘅首選！ 4. 蒜蓉牛油烤帆立貝 ⭐特別推薦 帆立貝配上香濃蒜蓉牛油，燒嘅時候香味四溢，入口鮮甜帶濃郁牛油味，好正！ 5. 泰式生蝦（刺身級食用） 新鮮嘅泰式生蝦，帶少少酸辣泰式風味，唔單止適合燒，直接生食都好正！6. 燒翠玉瓜、燒菠蘿、燒粟
天后 #燒肉屋 主打日韓創意燒肉，現正有 $348（加一）120分鐘放題，仲包 D24榴槤任食、任飲，Häagen-Dazs 杯裝雪糕都無限供應！午市仲有九折優惠，小朋友同長者亦有折扣，CP值超高！餐廳裝修有濃濃嘅日韓風，門口仲設計得似燒肉販賣機，好有創意。
燒肉推介
1. 荔枝牛肩胛串串 ⭐特別推薦
牛肩胛肉經過特調醬汁醃製，帶少少荔枝嘅清甜香氣，燒完之後肉質柔軟又多汁，香氣滿分！
2. 澳洲和牛M67牛板腱
澳洲和牛質素有保證，牛板腱部位油花均勻，燒完之後口感嫩滑，配少少鹽食已經好滿足。
3. 精修牛舌芯 ⭐特別推薦
牛舌芯選用最嫩嘅部位，口感煙韌而唔硬，燒至微焦啱啱好，絕對係牛舌愛好者嘅首選！
4. 蒜蓉牛油烤帆立貝 ⭐特別推薦
帆立貝配上香濃蒜蓉牛油，燒嘅時候香味四溢，入口鮮甜帶濃郁牛油味，好正！
5. 泰式生蝦（刺身級食用）
新鮮嘅泰式生蝦，帶少少酸辣泰式風味，唔單止適合燒，直接生食都好正！
6. 燒翠玉瓜、燒菠蘿、燒粟米、雞軟骨串
翠玉瓜鮮甜多汁，燒菠蘿帶少少焦香同酸甜味，雞軟骨串爽脆又帶有嚼勁，燒肉之間又食下燒粟米，解膩又香口！
7. 摩薩醬汁雞肉、蜜糖燒雞翼
雞肉選用摩薩醬汁調味，鹹甜適中；蜜糖雞翼燒完之後外皮焦香，內裡嫩滑！
前菜及配菜推介
1. 月見紫菜珍珠米飯
珍珠米飯上放左月見蛋黃，拌勻之後飯香同蛋香完美結合，加埋紫菜，配燒肉一流！
2. 胡麻醬烏冬
烏冬煙韌彈牙，胡麻醬濃厚帶少少芝麻香，食完燒肉再嚟一碗超滿足！
甜品 & 飲品
1. 馬來西亞D24榴槤
馬來西亞進口嘅D24榴槤，果肉香滑濃郁，十分香口，榴槤控一定唔可以錯過！
2. Häagen-Dazs杯裝雪糕
放題仲包 Häagen-Dazs 雪糕任食，餐後甜品仲要係高質品牌，超值！
其他亮點
燒肉爐具方面可以任轉換網燒同鐵板燒；另外有五款前菜及生菜無限 Refill，包埋啲肉一齊食更加滋味！
另外仲要讚一讚佢哋燒肉店啲職員，全部都好禮貌、好勤快，雖然爆曬場都keep住好 nice，同食客傾偈，食得好舒服！💯 快啲約埋朋友去試吓啦～
🍽️ 燒肉屋 (天后)
天后清風街10號清風大廈地舖
张贴
