因為呢度款式都好多 而且有唔同嘅煮法 每人都可以揀啱自己嘅口味
今次試咗佢新出嘅嘢
🧡汁燒三黃雞氣管
- 淨係個賣相 已經同我想像嘅唔同
- 食落係爽脆！
- 睇得出準備嘅時候應該好費功夫 要逐條逐條拮入去😂😂
🧡和牛棒配松露一口飯
- 最好就係趁熱食 將蛋黃同埋松露飯盡快撈勻
- 跟住一啖和牛棒 一啖松露飯！好juicy!
🧡明太子飯團
- 最好就係佢本身飯團每一面已經燒到金黃色 脆卜卜
- 再加埋紫菜 一絕啊！
🧡鹽燒淮山
- 冇諗到都好好食
- 佢嗰陣滑潺潺嘅表面冇咗 好爽口！
Sapporo Premium Draft 買一送一 平均只係$24/杯！
燒烤堂，最好就係每一項食物，後面都會註明咗佢嘅煮法
咁樣我哋就可以根據自己鍾意嘅口味 叫多啲叫少啲👍🏻👍🏻
不過老實講，其實每一種都有佢嘅特色 都好好味😛😛
整體嚟講都真係好值得encore再encore！
今日係平日 但係都有好多人過嚟食 Couple又有 朋友又有 似係同事嘅都有☺️☺️☺️
證明咗呢度都係傾偈食飯嘅正地方！
1
