鐵花村 (愛群商業中心)

营业中

休息中

島主雖然試過由台南到台北暢遊過幾次，但每次都無去到台東，因為要另外坐飛機去。 香港嘅台灣食店都係以台北風味居多。😌難得有間台東老闆娘主理，仲可以望到一個個手畫迷你熱氣球同牆上裝飾，加上店內行木系風格，彷如置身台東鐵花村。仲有可以免費拎返份台東旅遊小冊子，開關後就可以返鄉下了。 以下2 款都係老闆娘推介。 🔎台東米苔目 $48 台東招牌菜，上湯銀針粉幾煙靭，半隻熟蛋同貢丸，伴隨超多日式木魚，食到簡單樸素嘅風味。🔎黑松露起司蛋餅 $38 蛋餅皮比較煙韌，夾滿超濃郁嘅黑松露，非常足料，作為黑松露愛好者會好滿足。如果平時食得淡味啲嘅 就會覺得偏鹹咗少少。黑松露同芝士雙重濃味嘅衝擊，好夾呀！🔎蚵仔煎 $40 賣相幾吸引 ，口感黏黏。蚵仔幾大粒 ，仲幾健康，加添咗唔少高麗菜同芽菜。🔎滷肉飯（小）$29正宗口味，島主每逢食台灣野都會叫。 🔎燙青菜 $25 份量唔少，青菜吸收咗滷肉汁味，亦唔會過於濃味。