係等左大約一個鐘之後終於入到去，由於早有預謀我地一坐底就已經叫左個3層架同埋3杯野飲，無錯佢呢個餐應該係預3 個人食既。
落單之後3 杯野飲就好快到啦，但係我地等極都等唔到個set黎到，我地就懷疑緊係咪太多人叫呢個3層架，而佢架既數量又有限。正當我地懷疑緊既時候就有一對客人離開，而佢地台上個架就俾人收走左。如是者，我地過左幾分鐘就見到我地既野食了。
就介紹下個3 層架啦，可以見到既係第一層有6杯甜品，有2杯大菜糕，2杯芒果布甸同埋兩種唔同味既啫喱。佢既甜品全部味道都比較淡唔算太好食。
中間個層就有大量既既薯條同埋咖哩角，仲有幾條天婦羅蝦。可以話既係，佢全部炸物都炸到好脆仲要係熱口既，應該係即炸既。可惜既係佢既天婦羅蝦外皮既粉十分厚而中間隻蝦好細隻，所以我食落去就好似食左舊粉咁。而薯條同咖哩角就不過不失，有點兒似灣仔點心出品既感覺。
但係不得不讚既係佢最下一層個4件公司三文字好足料，包皮都有烘過。最先黎到既三杯野飲都唔錯，佢地應該落左好多粉同埋密糖，所以你唔會feel到好淡既感覺。
對於我黎講，呢個set 唔錯太合我心意，甜品比教淡同埋炸物粉比較多。唔講咁多飲多枝涼茶先。
1
