住家飯

营业中

休息中

今日晚上3個人7點攞飛，等咗一個鐘下一張就到我哋，然後有2位喺我哋之後黎入去坐低咗，覺得可能係訂咗枱/只有細枱就無理到佢哋。但係10分鐘後有四人枱走，以為終於到我哋，點知前面入去嗰2位突然之間轉咗去四人枱，之後叫咗後面2位入去。？？？我哋3個喺成頭問號。覺得佢咁樣安排非常唔合理，加埋我哋在內仲有2張3位等緊，等咗一個鐘，同埋嗰陣已經8點，間舖又收10點，仲要無限時，即係我哋唔使等啦。最後又等咗半個鐘都無人走，決定走人唔等。完全唔識安排坐位，無考慮過後面等緊嘅客人。如果轉枱嗰2位覺得二人枱太細，應該叫佢哋出返門口等，而唔係坐咗十分鐘等有人走先轉。