無限量任食：牛雜煲、烤魚/酸菜魚煲、不同口味雞煲、牛尾煲、豬手煲，食完煲物再揀湯底打邊爐，滿足到爆！
1
✨秘制牛雜煲✨
牛雜炆得超腍超入味！我自己勁鍾意牛肚同牛蒡，吸滿濃濃醬汁，超惹味得嚟唔會膩～
✨雙乳雞煲（咸牛乳+腐乳） ✨
第一次試呢個配搭！鹹香得嚟又唔會過濃，雞肉嫩滑，連豆卜都吸盡精華，好驚喜！
✨秘製火焰🔥牛尾煲✨
上枱時店員會即場加酒點火🔥視覺效果滿分！
牛尾炆得軟嫩，食落帶淡淡酒香，辣辣地幾惹味，必試！
打邊爐環節都唔輸蝕～
掃碼下單肉類、海鮮，牛肉同海鮮新鮮質素都唔錯，仲有啲小食。
自助區有齊各式火鍋配料，任飲酒精/非酒精飲品，連雪糕雪條都任食，抵食！
