1
牛殿品 按時段$559-589/位
🍲富婆鍋
湯底有超過10款選擇，唔少都充滿台灣味，好似青花椒和牛、剝皮辣椒雞、酸菜白肉、麻辣、沙茶海鮮等😍我就叫咗期間限定富婆鍋，充滿濃濃沙嗲香，裡面仲有啲超大條充滿膠質嘅花膠🤤醬料區都有個特色富婆醬可以搭配🤣
🥩肉類
肉類款式甚多，套餐會先上一碟日本宮崎縣A5和牛，肥瘦均勻，口感軟滑😋另外必點澳州M9和牛肩胛肉、手切美國頂級封門柳、牛脷心托、一口和牛等，我鍾意封門柳夠嫩👍🏻
🦐海鮮
呢個套餐會送每位1隻活鮑魚，大隻彈牙😛另外仲有蝦滑、廣島蠔、墨魚仔、青口等選擇。
🍢台式小食
嚟到台式火鍋店，當然要瘋狂點台式小食😏呢度有台灣香腸、宜蘭蔥餡餅、鹽酥雞、椒鹽蝦、甜不辣、麻辣鴨血湯、滷水豬耳等20款選擇，好似去咗台式自助餐咁🥳炸物普遍炸得幾好，而蔥餡餅就酥香餡足。另外藤椒魚皮麻麻辣辣好惹味😋
🍛自助熟食、火鍋配料
另外自助區都有好多台式嘢，有炸地瓜球、炸杏鮑菇、滷肉飯、滷水肥腸、拍青瓜、咖哩牛腩、滷水蘿蔔、燉湯等等，感覺好似去咗夜市🤪炸地瓜球口感好Q呢😆
🍧甜品
雖然去台式火鍋都會食到唔少台灣特色美食，不過呢度嘅台式甜品選擇特別多，一定要留肚食🤰🏻有熱辣豆花、黑糖布丁、各式配料如黑糖珍珠、椰果、綠茶凍、寒天等自由配搭🤩另外仲有鮮芋仙提供嘅芋圓同埋Hagaandaz雪糕！一啖豆花一啖煙靭芋圓，好滿足😋呢度仲有部刨冰機，可以自己整刨冰加配料，一樣咁正。
🧋飲品
飲品方面有好多台式汽水、水果烏龍茶、果汁等，feel到濃濃台味😙最特別仲有部smoothie機，好似一日本便利店嗰啲咁，先揀冷凍水果杯🍓再放入smoothie機望住佢打成smoothie，飲落天然清新，必試✅
推介指數（10分為滿分）：8分
