影片
更多
2024-02-01
150 浏览
老細食鱔日記🪱9 不經不覺老細食鱔日記都黎到第九集，係時候公佈老細一啲鮮為人知嘅秘密。佢花名其實係叫做煩高，令人煩惱既數值相當之高。人事部收過好多唔同嘅exit interview問卷，離職原因大概都係因為煩高。而我之所以一直都唔走，就係因為識得解壓，去搵梵高。星空其實一直都在，問題其實只係你會唔會識得去揾。呢晚我係星空之下叫左威靈頓牛柳。 🍖個牛柳係食咁多次威靈頓黎講黎講排行相當高既一個。之前食過皮太厚，肉太小，皮肉分離，肉太熟，皮太林，個心太凍，唔記得放菇菌，用酥皮就咁放面，半件上，等等。證明呢道菜係幾咁難做。因為太多細節要顧及。呢度上枱已經非常吸引，原件上，顏色金黄，外面紋理清晰漂亮，油光充分且脆身。配菜份量豐富，三種蔬菜配搭健康。切開外皮，熱香四溢，再切開肉，中間嫩紅，烹調時間完美。肉嫩又有肉味，第一啖，皮菌肉一齊食，唔點醬，第二啖，肉同菌，第三啖，淨肉加gravy,跟住每樣又加介辣，蒜鹽，變化無窮，其味也無窮，而且每樣都緊密相連，不散亂，整潔且優雅。當你專心喺食物嘅美味同併配，你根本就唔會有時間記掛煩高。 🍺以上食法，仲爭一樣配搭。紅酒吖!紅酒配紅肉，不老傳說。不過不能不提，
不經不覺老細食鱔日記都黎到第九集，係時候公佈老細一啲鮮為人知嘅秘密。佢花名其實係叫做煩高，令人煩惱既數值相當之高。人事部收過好多唔同嘅exit interview問卷，離職原因大概都係因為煩高。而我之所以一直都唔走，就係因為識得解壓，去搵梵高。星空其實一直都在，問題其實只係你會唔會識得去揾。呢晚我係星空之下叫左威靈頓牛柳。
🍖個牛柳係食咁多次威靈頓黎講黎講排行相當高既一個。之前食過皮太厚，肉太小，皮肉分離，肉太熟，皮太林，個心太凍，唔記得放菇菌，用酥皮就咁放面，半件上，等等。證明呢道菜係幾咁難做。因為太多細節要顧及。呢度上枱已經非常吸引，原件上，顏色金黄，外面紋理清晰漂亮，油光充分且脆身。配菜份量豐富，三種蔬菜配搭健康。切開外皮，熱香四溢，再切開肉，中間嫩紅，烹調時間完美。肉嫩又有肉味，第一啖，皮菌肉一齊食，唔點醬，第二啖，肉同菌，第三啖，淨肉加gravy,跟住每樣又加介辣，蒜鹽，變化無窮，其味也無窮，而且每樣都緊密相連，不散亂，整潔且優雅。當你專心喺食物嘅美味同併配，你根本就唔會有時間記掛煩高。
🍺以上食法，仲爭一樣配搭。紅酒吖!紅酒配紅肉，不老傳說。不過不能不提，我其實係叫左free flow，餐前同餐後酒係Orion，睇下佢的泡，就知勁新鮮又夠氣，周三自私飲，爽歪歪。穿腸物最適合消除煩氣。
✨️紅酒同美食，可以將鬱結嘅心情放開，為身體帶來充實感，之後喺飽餐過後，抬頭一望，週圍都係梵高既痕跡。透過藝術洗滌心靈，出門口又有重生嘅感覺，精神滿滿咁去迎接第2日嘅挑戰！
张贴
