新羅寶韓國餐廳

营业中

休息中

近排成日去尖沙咀，發現呢個商場好多層都有好多食肆，有啲仲係米芝蓮餐廳。呢一間之前喺其他地區食過， 自己同屋企人都好鍾意，知道佢做緊信用卡優惠套餐， 專程嚟試。 前菜有五小碟，除咗最上嗰排中間嗰碟泡菜之外，其他我都覺得好好食。 雞肉好嫩，烤後都唔覺得鞋口。牛排骨冇得頂，肉汁夠，肉的質地好滑，用生菜包住佢，加辣醬，頂呱呱!店員服務好好，幫我地烤埋雞肉同牛排骨，如果係我烤，一定烤到燶唒!煎得好味，唔油膩，入面冇肉都唔會淡口。粉絲炒得好彈牙，微甜。南瓜餅中南瓜味好濃，紅豆好大粒，因我攤凍左食，油膩左d。麵係手打，湯係牛骨湯，加菜同牛肉一齊食，再加芝麻調味，飽都覺得好香好濃。蜜瓜冇味，橙少甜，碗凍柚子茶好解渴，同成餐好夾。