泮利居

营业中

休息中

之前朋友介紹咗呢間茶樓俾我，本身自己都好鍾意飲茶～呢度嘅門面裝修好靚好豪華，位置坐得舒服👏🏻餐牌上面食物種類多，喺其他茶樓比較少見，鍾意食潮州菜嘅大家記得bookmark！當日係下午時段去到，咁啱撞正下午茶時段，嘢食價錢再平啲，超抵食🥰✨蒜香肉碎蒸陳村粉‼️陳村粉喺香港越少地方有得食，呢度即叫即蒸，蒜香肉碎份量多，陳村粉蒸到好滑，本身嘅醬汁附帶鹹香，勁正！✨灌湯小籠包‼️一籠有三粒，咬開大爆汁！裏面嘅肉餡極鮮嫩，啖啖肉，再點少少醋更加好味👏🏻✨紅燒炸乳鴿‼️已經將隻乳鴿一開四，外皮非常脆！香脆多汁，入面嘅乳鴿肉都好嫩，好好食呀✨什醬蒸鳳爪‼️自己本身都幾鍾意食鳳爪，呢度嘅什醬鹹中帶點，鳳爪基本上輕輕一咬就脫骨🤤✨綠豆爽清心丸‼️本身見到甜品有福果芋泥同綠豆爽清心丸，但因為自己好鍾意食清心丸！下次先再食芋泥🤣呢度嘅清心丸都係四四方方，好煙靭，未食過清心丸嘅朋友仔可以試吓🙌🏻