裝潢走年輕活潑風格，以光亮開放式座位為主，寬敞舒適，聚餐氛圍輕鬆熱鬧。
自助飲品區設有汽水啤酒任飲，啱晒一班朋友開懷大食，到尾仲有雪糕甜品作結尾，完美。
1
奉送時令燉湯
需早一天訂座及確認選餐，特色之一是餐廳會用當季最新鮮食材熬製，保證足料，夠火喉，色澤金黃透亮，湯頭散發濃郁雞香，入口鮮甜，味道醇厚養生。
ROUND 1餐前小食
甜蕃薯條、唐揚脆炸雞、蟹籽沙律、酸甜炸大腸、鮑汁雞腳
第一擊就令人驚喜，甜蕃薯條香脆不膩，炸雞皮脆肉嫩。蟹籽沙律清爽，為味蕾做好準備；酸甜炸大腸外脆內腍，掛汁得宜；鮑汁雞腳則滿口膠質，啖啖濃香。 雖然可以任點任食，我哋食一轉已經好滿足。
ROUND 2 前菜
五點刺身盛合（一次性）
五點刺身盛合新鮮亮麗，刺身切件厚薄適中，魚生光澤晶瑩，入口冰涼清甜，為火鍋主場拉開序幕。
ROUND 3 頭盤
任食寵寵雞煲
胃口大嘅朋友可以選擇「任食寵寵雞煲」，無限次添加，簡直係雞迷天堂。嚴選雞件滑嫩入味，麻辣得熱辣香濃，洋蔥用嚟墊底十分過癮。
ROUND 4火鍋盛宴
沙嗲金菇牛面肉
湯底精選咗沙嗲金菇牛面肉，港式情懷。湯頭濃郁惹味，帶微辣香氣。當食材落鍋翻滾，香氣即時瀰漫全場。
豪食海鮮拼盤
是日8款（一次性）
蟶子皇、鮑魚、元貝、脆肉鯇、精選蠔、大蜆、鮮蝦、白鱔片。
一次性送上8大款，從肥美鮮蝦到爽口白鱔片，每件都新鮮見得人。特別推介蟶子皇，同鮑魚爽彈鮮甜，正宗「豪食」感受。
豪食牛肉拼盤 6款（一次性）
熊本雪花一口牛、SRF和牛肩胛肉眼芯、澳洲M8牛肩頸、澳洲M8和牛牛五花、SRF和牛三角肉、黃喉。
豪食果然不同，牛肉拼盤同樣令人眼前一亮。熊本雪花一口牛油香滲出，SRF和牛肩胛嫩滑入味；澳洲M8和牛牛五花油香豐盈；配合黃喉嘅脆口，口感層次滿分。
唔單止「無限時」、「款式多」，最驚喜係牛肉食材質素高，精緻度完全唔輸比高級火鍋店，可以享受到豪華牛肉，真係「為食都食唔哂」。
任食火鍋配料
特級牛頸脊
美國Prime牛胸腹肉
極佳級 （U.S.Prime）
千歲 米豚（和豚）
榮獲日本優秀獎 首次出口 被稱之為和豚 產證極少
美國SRF和牛板腱肉
英國牛小排
紐西蘭羊卷肉
任食區嘅肉類更加驚喜連場，U.S. Prime牛胸腹肉油脂分佈完美，千歲米豚帶嚼勁又不失嫩滑，加埋SRF和牛板腱、紐西蘭羊卷肉，款款高質，真係食到停唔到口。
款式眾多 未能盡錄⋯⋯
大蜆
鮮蝦
手工雲吞
手打黑/白滑
珍寶蟹柳
白豬仔午餐肉
配料方面，手工雲吞、手打黑白滑彈牙鮮香，大蜆同鮮蝦再次加分，完全高質感覺。
自助區
套餐已經包括咗飲品任飲，汽水啤酒。
最後驚喜，仲有雪糕甜品添！
食到最後仲有雪糕同甜品，為大餐劃上清爽甜美句號。
總結，無論係朋友聚會、情侶晚餐抑或公司聚餐，都係一個高性價比嘅火鍋好選擇。
