影片
更多
2019-03-03
449 浏览
話說有日通完頂，想話食埋個早餐先番屋企。茶記早餐又食厭左，咁就轉場幫襯d平時少食既野啦。七點幾鐘，周街都冇咩人。於是心諗不如幫襯d平時多人到暈既舖頭，所以就黎左幫襯合益泰。講起合益泰，其實我之前都只係幫襯過一次。果陣係夏天既下晝時份，人多到爆。天氣炎熱加上熱辣辣既腸粉，真係熱到飛起。因為果次既經驗，雖然我覺得佢d腸粉都幾好食下，但係都令我再提唔起勁去幫襯lu。因此，再度光顧，實屬機緣巧合。果然不出我所料，七點幾既合益泰只係得廖廖幾個客仔，真係隨便坐之餘仲有位擺袋。一朝早黎幫襯，枱枱櫈櫈都係勁乾淨，地下又唔會痴笠笠或者滑潺潺。咁樣既進食環境，真係唔錯。坐低之後，我點左一兜中腸粉同一杯豆漿。中腸粉12蚊，豆漿6蚊，埋單先18，抵呀！冇咩客既關係，野食轉看就送到。腸粉一如既往地好食。對我黎講，一個好既腸粉取決於四大要素。一要夠熱，唔夠熱既腸粉會減少整體香味以及口感，所以重奉都要夠熱，係蒸爐到拎出黎剪左就要即上，唔好等。二係要軟熟，d腸粉唔夠新鮮或者擺得唔好，就有機會風乾左，尤其係d邊邊角角位。哩d腸粉蒸出黎就會冇咁軟熟。三就係要夠滑啦，腸粉唔滑，食咩腸粉丫，你話係咪？！哩d小食店既腸粉全部都
講起合益泰，其實我之前都只係幫襯過一次。果陣係夏天既下晝時份，人多到爆。天氣炎熱加上熱辣辣既腸粉，真係熱到飛起。因為果次既經驗，雖然我覺得佢d腸粉都幾好食下，但係都令我再提唔起勁去幫襯lu。因此，再度光顧，實屬機緣巧合。
果然不出我所料，七點幾既合益泰只係得廖廖幾個客仔，真係隨便坐之餘仲有位擺袋。一朝早黎幫襯，枱枱櫈櫈都係勁乾淨，地下又唔會痴笠笠或者滑潺潺。咁樣既進食環境，真係唔錯。
坐低之後，我點左一兜中腸粉同一杯豆漿。中腸粉12蚊，豆漿6蚊，埋單先18，抵呀！冇咩客既關係，野食轉看就送到。腸粉一如既往地好食。對我黎講，一個好既腸粉取決於四大要素。一要夠熱，唔夠熱既腸粉會減少整體香味以及口感，所以重奉都要夠熱，係蒸爐到拎出黎剪左就要即上，唔好等。二係要軟熟，d腸粉唔夠新鮮或者擺得唔好，就有機會風乾左，尤其係d邊邊角角位。哩d腸粉蒸出黎就會冇咁軟熟。三就係要夠滑啦，腸粉唔滑，食咩腸粉丫，你話係咪？！哩d小食店既腸粉全部都係問工場攞貨，識得揀個優質工場係成功既開始。而識得將攞番黎既腸粉進行後期加工，例如落下鵝油豬油之類等等，就係成功既分水嶺喇。最後一點，亦都係關鍵，咪就係個混醬囉！你估黎食腸粉真係淨係為左d白雪雪腸粉咩，你試下冇醬食比我睇丫！個混醬既甜豉油一定要係自家制，麻醬係堅麻醬而非花生醬，成件事就已經唔同晒。我個人覺得合益泰既腸粉乎合我對靚腸粉既要素，所以我覺得佢d腸粉真係幾正下。
不過，讚完之後都要踩下佢。話說佢杯豆漿真係好鬼甜兼冇咩豆味。因為d豆漿佢係部機度㩒出，所以個面係勁多泡。我飲左半杯，d泡少左先發現入面有隻螞蟻。同個呀姐講，佢二話不說就話比過杯我。但係我心諗杯豆漿又唔係正，兼且就算你比過杯我，但係如果隻螞蟻係黎自部豆漿機的話，比過一杯我又有咩意義呢。結果，因為我係淆底獸既關係，默默地接受左呀姐火速送上既豆漿。亦因爲佢咁好心幫我換過一杯，我唔好意思唔飲晒佢。最後我飲左一杯半唔好飲之餘仲浸過蟻既豆漿，好在冇肚痛，算係咁。其實呀姐都係好好人既，但果一刻果個情況，我會想退錢多d。
總結，如果再機緣巧合，我會再幫襯佢個腸粉的，但係豆漿就不了。
圖為食左幾舊既中腸粉🤪
张贴
