影片
更多
2021-04-11
2532 浏览
自問去過不少米記星級餐廳，只要不過不失，都唔會寫負評，今次為左讓大家不要中伏，我決定寫人生第一篇負評。上年至今去左好幾間5星級酒店Staycation，復活節最後一站選擇左St. Regis Suite，今次試左佢個Bar、中餐潤同埋法國菜L’Envol，今次先講下L’Envol前菜1. 北海道海膽配紅蝦及香脆小茴香(另+$580)- 最上層的海膽新鮮但整體醬汁調味完全蓋過下層紅蝦鮮味，唔知邊一味係主，邊一味係客！2. 炸田雞腿配蕃茄及龍蒿牛油汁- 喜歡食田雞腿嘅人一定明白田雞腿最好味係佢個肉嘅質感，上次去Caprice食左將隻雞煎皮拆骨後再重整返嘅雞件，創新之餘都食到係雞！但L’Envol大廚竟然將田雞腿變成炸免治肉丸加濃汁，完全食唔到田雞肉，只有濃汁味，真令我震驚！3. 63度溫泉蛋配燉海鮮及露荀忌廉- 我完全感覺唔到有63度，而且所謂海鮮主要係蝦粒，且又再一次濃汁蓋過鮮味！我深信醬汁嘅原意係帶出主菜嘅鮮味，而唔係用作蓋味！主菜1. 傳統法式煮藍龍蝦配海膽泡沫 (另+$180)- 藍龍蝦基本上係我食法國菜必食，個人好喜歡藍蝦嗰份獨特肉質，好喜歡Caprice嘅牛油烤藍龍蝦，但L’E
前菜
1. 北海道海膽配紅蝦及香脆小茴香(另+$580)
- 最上層的海膽新鮮但整體醬汁調味完全蓋過下層紅蝦鮮味，唔知邊一味係主，邊一味係客！
2. 炸田雞腿配蕃茄及龍蒿牛油汁
- 喜歡食田雞腿嘅人一定明白田雞腿最好味係佢個肉嘅質感，上次去Caprice食左將隻雞煎皮拆骨後再重整返嘅雞件，創新之餘都食到係雞！但L’Envol大廚竟然將田雞腿變成炸免治肉丸加濃汁，完全食唔到田雞肉，只有濃汁味，真令我震驚！
3. 63度溫泉蛋配燉海鮮及露荀忌廉
- 我完全感覺唔到有63度，而且所謂海鮮主要係蝦粒，且又再一次濃汁蓋過鮮味！我深信醬汁嘅原意係帶出主菜嘅鮮味，而唔係用作蓋味！
主菜
1. 傳統法式煮藍龍蝦配海膽泡沫 (另+$180)
- 藍龍蝦基本上係我食法國菜必食，個人好喜歡藍蝦嗰份獨特肉質，好喜歡Caprice嘅牛油烤藍龍蝦，但L’Envol呢碟又淋又霉，一問之下，侍應話大廚用慢煮方式烹調海鮮，再一次令我震驚！
2. 香煎腹肉牛扒配水瓜柳醬汁(另+$180)
- 之前去Caprice食Mayura和牛，大廚慢煮鎖肉汁再grill外層，口感好豐富！但L’Envol，叫Medium又煮得過熟，再再再一次濃汁，喧賓奪主！
甜品及餐飲
1. 法國草莓，龍蒿忌廉配草莓撻及雪葩 (另+98)
2. 日本日向夏金橘，脆蛋白餅配松子仁及乳酪雪糕
- 無甚特別，起碼無再一次震驚，不過個人不喜歡太甜嘅甜品。
- 餐茶方面，侍應話咖啡係Nespresso機沖，我只好選擇紅茶包... ...
服務方面，侍應生不足，不夠Attentive，而且唔問都無介紹菜式烹調，只講菜名，仲有碟邊同碟底竟然帶有餸汁，我叫佢先換一隻碟，真不夠專業！
之後可能要花時間寫個英文版本負評先對中西方食客公平！
张贴