世記上海麵店

营业中

休息中

世記豬扒麵其實都唔使點樣去寫食評㗎喇，因為基本上呢檔嘢喺大埔根本冇人唔識，唯一我可以喺度講多少少嘅就係，呢度嘅服務員態度都幾友善，但用餐環境確實一般，而且坐位非常狹窄，坐得相當辛苦，呢度嘅食品係OK嘅，我叫咗個炸豬扒上海麵，麵條好煙靱，有少少彈牙，仲撘有兩條菜心，都幾爽脆，湯底都幾好飲，起碼飲完後唔會口渴，炸豬扒炸得好香脆，但肉質有少少乾，份量都真係幾多，有接近兩塊嘅豬扒，備註：嚟到世記，嘢食一到枱就要比錢先，同時呢度有一樣係比較靈活嘅就係，喺度食麵嘅同時，亦都可以叫隔離左右嘅店舖入面所賣嘅食品及飲品，相當好！