燒肉屋 (清風街)

天后一直都比較少燒肉嘅餐廳，今次發現咗一間位於清風街橋底下嘅燒肉店， 環境氛圍都似比較放鬆，火爐非常猛烈，燒肉起來就是爽！#四味五花肉 $188四條又長又厚嘅五花肉，懸掛住木架上，一次過品嚐不同口味，包括黑椒鹽、韓式醬汁、蔥蒜、果味醬汁，四款口味，燒到外皮少少焦香感，再用生菜包著燒肉相當惹味。#原條厚切牛舌 $289原條牛舌相當大條，燒牛舌火喉控制真係非常之重要，餐廳好細心都有指示教你點樣燒，幾時剪斷，店員仲會主動幫手處理，完美的牛舌燒好後具彈性口感，沾著醬汁好吃不過！#紫菜燒年糕 特配紅豆蓉及煉奶 $128除咗燒肉之外，仲有韓式甜品年糕，燒完之後既年糕非常煙韌，再搭配紅豆蓉同煉奶，真係一個美好嘅飯後甜品！搭配燒肉另外叫兩杯飲品，都非常具特色且打卡，#海中錦鯉梳打 ，底部滿滿錦鯉外形橡膠糖，甜蜜口感； #百香果荔枝梳打 ，原粒荔枝放上杯面，底部全是酸酸甜甜嘅 百香果梳打，開胃飲品。整體嚟講餐廳燒肉肉類嘅質量都非常之高，店員服務周到，餐廳滿滿放鬆氛圍好令人值得一試再試！