檀島咖啡餅店 (軒尼詩道)

营业中

休息中

檀島咖啡餅店係一間懷舊嘅茶餐廳，而家香港呢類懷舊嘅茶記已經買少見少黎到茶記，不得不試一杯港式奶茶，茶味香濃，但又唔會有苦澀味，茶同奶嘅比例啱啱好。酥皮蛋撻，多層嘅酥皮咬落香脆又唔會好油膩，蛋漿滑溜而蛋味濃郁，亦不會過甜。合桃拿破崙，而家已經好少茶記會整拿破崙，因為係好考功夫，所以一見到有即刻試返一件，四層酥皮包住軟綿綿嘅蛋糕，蛋糕裏面有一粒粒嘅合桃碎，整體口感非常豐富，呢款懷舊糕點好特別，跟而家嘅西式餅店嘅拿破崙截然不同。乾炒牛河，夠晒鑊氣，大大片嘅牛肉，食落又唔會好韌，每條河粉都掛滿豉油汁，但係唔會過鹹，亦唔會太油膩，份量十足，$65超抵食。西炒飯，炒飯足料夠鑊氣👍🏻👍🏻👍🏻