檀島咖啡餅店 (軒尼詩道)

营业中

休息中

去開灣仔，當然要去檀島食蛋撻啦！檀島嘅蛋撻貴過平時普通餅店嘅蛋撻一倍有多，但事實上真係幾好味。蛋漿十分嫩滑，甜度適中，不會過甜。酥皮撻底，又香又酥脆，配合軟滑嘅餡料，十分匹配，口感上亦顯得特別豐富。熱騰騰的蛋撻十分出色。我另外仲買咗一個甜餐包，甜餐包就比較普通啦。麵包痴牙，又唔夠鬆軟。但係沿路都有好多人排隊，我見佢哋都係買包食，可能係我咁啱揀嘅甜餐包比較差啦。有機會都可以再試吓其他包嘅。不過，如果只係諗住買來當下午茶，都係買返蛋撻啦。