影片
更多
2024-04-09
640 浏览
喺灣仔呢頭想食間平價餐廳都真係唔容易 喺茶餐廳食一碟碟頭飯都七八十蚊🥹 呢晚俾我搵到呢間新開嘅台式麵店 價錢相宜之餘 味道都可以㗎😉香酥排骨麵呢度嘅招牌湯底係藥膳牛湯 藥膳味道好香 飲落口又唔會太苦 都幾特別🐮 配埋招牌香酥排骨真係幾出色 因為排骨外層同佢個名一樣係好酥脆 入面嘅肉質幾juicy🐷 底下嘅面我地嗌咗台灣麵 口感幾有咬口 唔係好腍嗰種上海麵質地海鮮撈麵呢個用上台式嘅肉燥黎撈麵 少少辣辣地幾惹味 底下我地嗌咗油麵 配埋肉燥真係好夾😄 海鮮方面有帶子 魷魚 墨魚同埋蝦仁🍤 啲醬汁都夠晒撈個份量咁多嘅麵紫菜丸湯湯底都係藥膳牛湯 但多咗一重紫菜嘅香味 入面仲有油麥菜 牛丸 貢丸 花枝丸同埋墨魚丸各一粒 我幾鍾意呢度嘅牛丸 牛肉味道香濃😊木魚皮蛋豆腐呢個都幾有特色 皮蛋上面仲有啲台灣特別嘅肉鬆同埋木魚👻 然後就有流心皮蛋 中間仲有啲泰式酸辣醬 再配香滑豆腐 飲品冬瓜茶 味道唔會好甜 都幾有台灣風味🍵 凍奶茶 呢度係台式奶茶嗰種 如果有得加珍珠就好啦🧋冇諗過呢間小店會有咁多電子支付平台 就算冇撳機過嚟食都好方便啫✌🏻
喺灣仔呢頭想食間平價餐廳都真係唔容易 喺茶餐廳食一碟碟頭飯都七八十蚊🥹 呢晚俾我搵到呢間新開嘅台式麵店 價錢相宜之餘 味道都可以㗎😉
香酥排骨麵
呢度嘅招牌湯底係藥膳牛湯 藥膳味道好香 飲落口又唔會太苦 都幾特別🐮 配埋招牌香酥排骨真係幾出色 因為排骨外層同佢個名一樣係好酥脆 入面嘅肉質幾juicy🐷 底下嘅面我地嗌咗台灣麵 口感幾有咬口 唔係好腍嗰種上海麵質地
海鮮撈麵
呢個用上台式嘅肉燥黎撈麵 少少辣辣地幾惹味 底下我地嗌咗油麵 配埋肉燥真係好夾😄 海鮮方面有帶子 魷魚 墨魚同埋蝦仁🍤 啲醬汁都夠晒撈個份量咁多嘅麵
紫菜丸湯
湯底都係藥膳牛湯 但多咗一重紫菜嘅香味 入面仲有油麥菜 牛丸 貢丸 花枝丸同埋墨魚丸各一粒 我幾鍾意呢度嘅牛丸 牛肉味道香濃😊
木魚皮蛋豆腐
呢個都幾有特色 皮蛋上面仲有啲台灣特別嘅肉鬆同埋木魚👻 然後就有流心皮蛋 中間仲有啲泰式酸辣醬 再配香滑豆腐
飲品
冬瓜茶 味道唔會好甜 都幾有台灣風味🍵 凍奶茶 呢度係台式奶茶嗰種 如果有得加珍珠就好啦🧋
冇諗過呢間小店會有咁多電子支付平台 就算冇撳機過嚟食都好方便啫✌🏻
张贴
