影片
更多
2025-07-11
0 浏览
段純貞X日出茶太(香港)地址: 香港灣仔莊士敦道74-80號The Johnston 地下A及B號舖今次小編嚟到朋友工作嘅地方灣仔搵吓好西，行過🧧囍帖街之後喺🚠電車路附近搵到呢一間外觀新簇簇、環境闊落、食物價錢睇落又唔貴嘅段純貞。哩一間餐廳主打台灣菜，見網上評論主要都係食🐮牛肉麵，但小編同朋友今次就想揀下其他嘢。小編就嗌咗一度「青花椒香手撕雞乾拌麵」🐔🫛，手撕雞肉嫩滑配上青花椒嗰種清新嘅麻辣，一上菜已經聞到非常香，配上拌麵真係會食到停唔到口。而朋友就揀咗「胡椒湯酸菜豬腳麵」🐷🧂，豬腳嘅肉質好腍，啖啖肉而帶有膠質，同時配上濃郁嘅湯底，當中胡椒同酸菜嘅味道亦都相得益彰，朋友都非常滿意。另外我哋仲叫咗兩款小食「鹽酥雞」同「藥膳雞翼」，鹽酥雞外面鬆脆而入面唔會柴口，藥膳雞翼就幾特別，用一個盅咁浸住湯送上嚟，令到個藥膳味更加出仲好似帶點酒香。最後食台式菜，當然唔少得甜品環節！我哋揀咗「桂花冰糖黑糖珍珠豆花（熱）」同「純貞芋圓4號」。桂花冰糖豆花無得輸，桂花香味同黑糖甜味完美結合，味道口感一流。而純貞芋圓4號就更加吸引，椰汁濃郁，珍珠Q彈，更加重要嘅係各種紫薯🍠同埋芋泥嘅嗰種綿綿嘅口感，真係會令人
地址: 香港灣仔莊士敦道74-80號The Johnston 地下A及B號舖
今次小編嚟到朋友工作嘅地方灣仔搵吓好西，行過🧧囍帖街之後喺🚠電車路附近搵到呢一間外觀新簇簇、環境闊落、食物價錢睇落又唔貴嘅段純貞。哩一間餐廳主打台灣菜，見網上評論主要都係食🐮牛肉麵，但小編同朋友今次就想揀下其他嘢。
小編就嗌咗一度「青花椒香手撕雞乾拌麵」🐔🫛，手撕雞肉嫩滑配上青花椒嗰種清新嘅麻辣，一上菜已經聞到非常香，配上拌麵真係會食到停唔到口。
而朋友就揀咗「胡椒湯酸菜豬腳麵」🐷🧂，豬腳嘅肉質好腍，啖啖肉而帶有膠質，同時配上濃郁嘅湯底，當中胡椒同酸菜嘅味道亦都相得益彰，朋友都非常滿意。
另外我哋仲叫咗兩款小食「鹽酥雞」同「藥膳雞翼」，鹽酥雞外面鬆脆而入面唔會柴口，藥膳雞翼就幾特別，用一個盅咁浸住湯送上嚟，令到個藥膳味更加出仲好似帶點酒香。
最後食台式菜，當然唔少得甜品環節！我哋揀咗「桂花冰糖黑糖珍珠豆花（熱）」同「純貞芋圓4號」。桂花冰糖豆花無得輸，桂花香味同黑糖甜味完美結合，味道口感一流。而純貞芋圓4號就更加吸引，椰汁濃郁，珍珠Q彈，更加重要嘅係各種紫薯🍠同埋芋泥嘅嗰種綿綿嘅口感，真係會令人上癮。🤤
张贴
