小黑糖 (宏生大廈)

营业中

休息中

都有一段時間冇飲珍珠奶茶，剛剛食完飯見到呢間好似新開嘅珍珠奶茶店，標榜係台灣五大珍珠奶茶店，即刻試吓先。佢哋有兩款珍珠鮮奶，我揀咗小黑糖珍珠厚鮮奶，個服務員話啲奶會比較濃烈一啲，果然啲奶好濃好香同好順滑，因為我怕食甜野，已經叫咗少甜，所以食珍珠嘅時候感覺到好濃香嘅黑糖味，唔知佢哋係咪用黑糖煮過啲珍珠呢？啲珍珠住得好柔軟好順滑，好耐冇食過咁好質素嘅珍珠。另外老婆叫咗個泰好喝歐雷珍珠，因為泰式奶茶都係偏甜，所以特別要求少甜，啲珍珠嘅味道同埋口感配合泰式嘅奶茶又會帶來另一種層次嘅享受。