永記潮州粉麵

营业中

休息中

想起豬雜必定嚟呢度！必食柏葉豬雜，可惜點幾嚟到都已經無晒柏葉，唯有下次請早！淨豬雜(大-$36) - 因為主打想食豬內臟，所以我哋走豬耳同豬肉。豬雜有豬心，豬肺，豬大腸，豬肚，豬潤，豬粉腸。豬心爽脆，豬肺彈牙，豬大腸唔會好勁肥油，無臭味仲有好香嘅豬味！豬肚非常爽口，豬潤切得薄薄，爽甜無腥味！豬粉腸爽滑香口，完全無苦味。湯底確實好味，飲到豬肉清甜味，一d都唔油膩。加上有大量唐芹，令香味更加提升。總之所有內臟都處理得好好，好新鮮，完全唔會有臭腥味。牛筋米($26) - 牛筋非常軟腍，湯底就無豬雜嘅咁清甜可口。豬大腸河($26) - 大腸有點點脂肪，爽滑帶濃濃豬香味，河粉非常滑溜。鮮牛粉腸麵(大-$36) - 鮮牛滑溜有牛味，粉腸爽滑。