潮藝館

营业中

休息中

之前有朋友問尖沙咀有咩潮州菜食，我當然推薦最愛的華苑，不過朋友話食得太多次，佢反問我有冇食過一間新餐廳叫潮藝館，佢話試過都好，於是，我哋就約左食一餐，同華苑對比下。當然兩個風格完全唔同，因為華苑style係中價而紮實的風格，而潮藝館就係高格調路線，餐廳環境就好似Fine Dining嘅西餐一般，不過價錢又唔會驚嚇地貴。當晚試左個二人餐，前菜有呢串茄核桃沙律，個樣完全唔似，不過我地食完都覺得幾開胃。茅台醉鮑魚，唯獨唔好嘅我就係覺得冇一件鮑魚上，茅台唔算好強烈味道，不過有一股茅台嘅香，都幾impressed。普寧布包豆腐，唔算炸得太脆，但入面好滑，唔算係好地道嘅潮式感覺。胡椒豬肚湯以位上，好優雅，胡椒味唔算好濃，絕對值得推薦，我個人就好鐘意。日本椒仔炒嫩牛，我唔夠膽講呢個係一個潮式菜式，不過幾特別，用日本食材做潮州嘢都幾大膽。碧綠川椒雞係幾出色的，而且川椒味幾出，拼埋蜆肉鵝肝炒飯撈埋一齊最好。甜品燕麥一口薯幾特別，唔知係唔係特別潮州甜品，不過幾得意。咁嘅價錢，值得試下啦，華苑以外，原來尖沙咀都有好潮州菜選擇。