麻甩系(花甲粉)

营业中

休息中

食咗好飽嘅下午茶，到比較夜嘅時間先開始覺得肚餓，喺屋企附近行一行見到呢間餐廳非常吸睛，店面佈置好潮，食物又幾啱我口味就決定試下要左以下幾樣食物：麻辣花雕孖寶佢嘅孖寶就係豬肉燒賣同魚蛋，白魚蛋彈牙，個人鐘意白魚蛋多過炸魚蛋，所以覺得寧舍啱口味！豬肉燒賣比起魚肉燒賣個餡料會實在啲唔似食緊粉咁，最令人滿意嘅就係佢嘅麻辣醬汁唔會太辣但係有一定嘅辣勁而且都好香至於個世一花甲粉，最令我滿意嘅就係佢嘅湯底調味非常好味，香濃得嚟帶少少酸辣，特別作為宵夜真係好適合同開胃！而且佢哋嘅粉外賣會分湯，食落好qq彈牙，再吸收埋啲醬汁，配埋其他配料例如，豆卜，金菇，芽菜一齊食，味道豐富又惹味！當然佢嘅花甲就相當唔錯，食起嚟好嫩口同甜，唔會話因為浸係湯耐就老曬，仲要咬落去咁多隻都無一隻會有沙，真係要讚下！我哋再點多咗個糖水就係腐竹蛋花糖水，唔會太甜，好有豆香同埋蛋絲都好足，口感滑溜溜好夠香，食完辣野之後食返呢個糖水平衡下，超滿足！