梅花邨小館

自從屋企樓下既潮州酒樓執左粒都再無食過潮州菜。今次公司搞退休晚宴，老闆揀左依間餐廳話好好食，吃貨既我咁緊係要黎試下啦
老闆叫左個招牌鹵水鵝片，杏汁豬肺湯，蜜餞排骨，蒜蓉粉絲蝦，炸棵肉，富豪炒飯同反沙芋。每樣都好好食，好食到只係影左一樣菜式
我特別鐘意佢既豬肺湯，好足料同好濃，飲完都冇覺得好口渴，我都飲左2碗！另外仲有個粉絲蝦，好惹味！唯一要講缺點係個炒飯可以囊炒得乾身啲。
整體而言，依間餐廳值得推薦，每碟餸都好大碟同好足料仲有個前菜，其中一個係甜酸菜好有回憶，就係我細個同屋企人逢星期日會去樓下既潮州酒樓的味道！哈哈。店員服務都好好！