1986地道越南餐廳 (東寶大樓)

营业中

休息中

一早同來自外地嘅朋友周圍逛周圍食，其實已經食咗半飽，點知今晚要睇演唱會，要食餐early dinner。一般嚟講都會過嚟食呢一間越南嘢。一來呢邊食嘢冇咁多人。二來越南菜感覺上好似冇咁滯胃。今次都嗌咗雞翼，因為上次食過好好食又清新所以今次再叫。咁上次都食過生牛肉湯河，但係今次帶咗其他朋友嚟，佢哋試過反應都一律讚好。事實上佢個湯底真係有料到。另外今次真係食咗啲嘢，但係又見到隔籬枱啲豬扒好正，所以嗌咗個豬扒撈檬，佢個豬扒處理得好好，雖然厚身但係一啲都唔嚡。刀一落就知佢有料到，再放埋落口簡直不得了，估唔到炸豬扒都可以咁多肉汁，呢個豬扒下次要自私食。另外個撈檬汁裏便有兩粒肉丸。食落去都幾彈囉應該係豬肉丸。最後追加咗個木瓜沙律，清一清味蕾就剛剛好！