怡紅院火鍋料理

营业中

休息中

咁大個仔第一次去怡紅院，每次經過都想入去睇下裡面係點既佈置，店內裝修非常古色古香，我入到去既時候咁啱就播老派約會之必要，感覺真係好夾。賣身契就係點菜紙一張，而怡紅寶鑑除咗介紹唔同既招式之外，就係一本drink menu，當然仲有打邊爐唔少得既醬料九宮格啦。——————————————————————城寨特濃沙嗲鍋 $198滑牛肉 $168紐西蘭羊肉片(半份） $98美國桶蠔 $228響鈴 $58冰菜 $68脆鯇腩 $188出前一丁 $38Sapporo 啤酒 $48——————————————————————黎之前已經想試下佢地既特濃沙嗲湯底，配埋鮮牛肉同出前一丁，即刻可以自製一個沙嗲牛肉麵，比平時喺出面食嘅更香，味道更濃，而鮮牛肉滑得黎，仲好有牛味添。黎到怡紅院緊喺要食返啲肥嘟嘟既桶蠔同埋羊肉補補佢，桶蠔肥嘟嘟、大大隻，而羊肉又有好濃嘅羊味，食完都覺得補。當然仲有邊爐必備嘅響鈴啦，唔洗一秒就已經淋晒，建議唔鍾意食淋嘅響鈴浸完攴甜去酚即刻拎返上黎。