發覺老闆斬鵝特別細心 上莊起片 下莊拆肉起髀骨 好有心機
鵝肉亦排得好靚 睇得出老闆對出品有要求
終於有日忍唔住走去試下 果然高質 一試成主顧
呢間多人幫襯 流量極快 滷水獅頭鵝相當新鮮
熟度亦剛剛好 買上下莊切開 肉經常會是粉紅色
呢碟滷鵝鵝腸飯 今日好好彩 有髀位食啖啖肉
鵝肉越咬越香 鮮鵝腸超爽脆 滷水布包豆腐超嫩滑
仲有樽仔凍奶茶 奶茶茶味較奶味重 味道唔錯
肯定好飲過黑白樽仔奶茶 高質既一餐 食得痛快
PS: 新蒲崗鴻發老闆都係長發做過 原材料同長發差唔多
難怪味道何其相似 鴻發依家已經獨當一面 成為人龍小店
