合益泰小食

营业中

休息中

一黎到門口條龍掛滿左人，原來都係食外賣，所以我地就走左入舖到掛排隊。 呢到大家都係快食快走，所以都好快有位坐。腸粉當然要配粥，整返碗皮蛋瘦，見到蘿蔔豬皮魚旦又好似幾吸引，叫埋啦。 呢到腸粉係2蚊條，有大/中/細既唔同份量俾你揀。 腸粉上到黎個時已經會有花生醬同豉油，甜醬同芝麻就係檯到任你加既。 我個人覺得花生醬味淡左啲，可以濃啲既話會更好。 但芝麻似乎係有炒香過，值得一讚。 佢啲腸粉食落係滑溜溜既，如果可以剪細粒啲就真係好有以前掃街拮住食既風味喇。 蘿蔔豬皮魚旦，蘿蔔好甜但偏硬身同好大舊，食落你以為會食到渣但又唔係。 豬皮都係偏硬身，魚旦就無乜特別喇，唔算好彈珍，腥味都唔係好多。個粥，一舀起，估佢唔到地咁多料。差唔多每啖都有料。