影片
更多
2022-10-30
19 浏览
近排開始凍啦，當然要捐窿捐罅搵返啲打邊爐嘅餐廳！依間絕對係尖沙咀云云眾多嘅選擇之中嘅頭三位！羊肚菌海參燉雞湯第一次用一大鍋燉湯去打邊爐，非常適合秋冬季節，滋補一下，湯底更加有紅棗、圓肉、杞子、雞腳，湯頭好清，帶有菇菌的餘韻，裏面海參份量驚人，食落口感爽口。手切安格斯色澤鮮紅、肥瘦相間、紋理非常清晰，溶雪程度極佳。輕輕淥5秒，咬落去好軟柔，牛味好出好濃。海鮮叫左一份活海蝦，一共六條，條條新鮮，蝦膏滿滿，咬落去肉質飽滿，爽甜；另外叫咗一份土魷，廚師𠝹花出色，食落爽爆；脆骨腩肉質透白，全部魚骨都起好晒，食落頗有魚鮨香。美顏桃膠餃子外型翠綠，全人手包餃子，皮薄餡靚。咬落去口感豐富，除咗有滑捋捋嘅桃膠之外，更加有爽脆嘅蘿蔔絲椰菜絲。蔬菜叫咗萵筍、雲耳、唐生菜🥬，放入呢一個湯底真係非常清甜！
羊肚菌海參燉雞湯
第一次用一大鍋燉湯去打邊爐，非常適合秋冬季節，滋補一下，湯底更加有紅棗、圓肉、杞子、雞腳，湯頭好清，帶有菇菌的餘韻，裏面海參份量驚人，食落口感爽口。
手切安格斯
色澤鮮紅、肥瘦相間、紋理非常清晰，溶雪程度極佳。輕輕淥5秒，咬落去好軟柔，牛味好出好濃。
海鮮
叫左一份活海蝦，一共六條，條條新鮮，蝦膏滿滿，咬落去肉質飽滿，爽甜；另外叫咗一份土魷，廚師𠝹花出色，食落爽爆；脆骨腩肉質透白，全部魚骨都起好晒，食落頗有魚鮨香。
美顏桃膠餃子
外型翠綠，全人手包餃子，皮薄餡靚。咬落去口感豐富，除咗有滑捋捋嘅桃膠之外，更加有爽脆嘅蘿蔔絲椰菜絲。
蔬菜
叫咗萵筍、雲耳、唐生菜🥬，放入呢一個湯底真係非常清甜！
张贴
