牛陣 (大埔超級城B區)

营业中

休息中

喺大埔超級城行街，一家人經過牛陣門口，見到宣傳牌寫住冬暖美鍋，仲係鹿兒島直送嘅黑豚肉火鍋放題，三大一小就入去試吓。餐廳環境空間都比較大，店員安排我哋四個人坐卡位位置。茶水同埋火鍋食物等等都係以自助形式供應，首先我哋攞咗啲熟食，當中薯條炸到好香脆可口，面頭仲有香草粉，非常滋味。湯底係冬暖美鍋，驟眼望落去湯底呈現奶黃色，飲一啖湯試吓非常滋潤養顏，味道好鮮甜。蔬菜類同埋丸類都係出面自己攞，另外先上一份黑豚肉同埋和牛等等嘅食物，當中嘅手作雞滑以竹筒嘅形式上，自己按份量將雞肉滑放入火鍋入面。估唔到雞滑食落去口感彈牙，肉質鮮嫩，非常濃郁嘅雞肉味道，而且好新鮮，必食。如果唔夠食，仲可以喺平板電腦自己因應喜愛嘅食物同埋份量下單，非常方便。飲品就係自己喺雪櫃攞，款式都比較多，仲有我最愛嘅韓國飲品。最後仲有甜品任攞任食，呢一餐真係非常滿足，特別係肉類非常新鮮，值得一試。