二鍋頭 (福苑)

营业中

休息中

呢間旺角既二鍋頭開左一段時間，入邊都好闊落。我同媽咪早到所以可以坐窗邊卡位，望住街景坐得好舒服。我地揀左中等價位既安格斯牛放題，每人$258，星期日加$10。佢食物種類都多，有鵝腸墨魚仔可以食。羊腩煲 +$68/1好少見有羊腩煲邊爐，雞煲同烤魚就見得多，所以就加錢試下。佢既醬汁整得好惹味，而且羊肉好入味。重點係唔會羶，有時出面食羊架會好大陣羶味，難入口，但呢間整得岩岩好，食到羊肉香味但又唔會太over。而且佢仲有馬蹄個d，太滯食幾舊可以中和返。安格斯牛肉我印賞佢會有張牌仔寫清楚咩部位，食到鐘意既味道就可以清晰再落單。佢既安格斯封門柳肉味香濃，再加埋羊腩煲既醬汁做湯底，超級惹味。雪糕同飲品我推薦荔枝烏龍同鹽味雪糕。荔枝烏龍可以消滯但又有少少荔枝甜味，唔係到到有得飲。鹽味雪糕好香，食落少少牛油味咁，咸甜咸甜，我食完都推介媽咪食一杯，可以一試。