b.o.t.h. by Texas Burger

营业中

休息中

今晚同朋友去了荃灣廣場行街，行到累嘅時間就見到這間望主比較清新嘅餐廳，再望望餐牌都係喜歡口味，於是便入去了，座位闊落，加埋有落地大玻璃，雖然唔算係甚麼美影，但感覺份外休閒，餐牌內有不同嘅選擇，而這裡就係食漢堡包，當然要食餐牌上推薦嘅德州燒烤牛肉漢堡，一個燒烤牛肉漢堡配埋份香脆炸薯條，切開個漢堡包，見到塊厚身嘅牛肉漢堡，上面沾滿了BBQ 汁之外還有十分脆身嘅洋蔥圈，同埋十分脆口嘅煙肉，當然還有主角塊厚身多汁嘅牛肉漢堡，一啖入口包身夠晒香脆之餘，配埋一齊入口，口感夠晒豐富！食完之後再追加了個蘋果肉桂卷，擺放精緻，轉一轉角度就係一個開心嘅emoji ，肉桂卷十分鬆軟，裡面撒滿了肉桂分，真係啖啖都有，加埋個vanille mascarpone cream 伴碟入口，味道更香濃！而肉桂卷下亦放了香甜嘅新蘋果肉粒，夾埋一齊入口時口感層次更佳！在這裡可以有慢活嘅感覺之餘亦係一個唔錯嘅朋友聚腳點！