順。越南牛肉粉

营业中

休息中

係附近做完野，又係時間開餐，見到呢間越南牛肉粉店，諗住食碗湯粉都好。夏天適合食D酸辣野黎開下胃口，呢碟酸辣鳯爪沙律 ($78)，鳯爪何其多，入口爽脆，無骨超方便。微辣度，酸度適中，加埋少量芹菜，紫洋蔥及車厘茄作沙律材料，幾好味。主食叫碗保寧鷄絲扎肉湯檬粉($72)，上枱時見到實物咁大碗嘅，另有青檸及辣椒碎可自行加配。湯底清甜又夠熱度，扎肉入口有脆度，可能混入豬耳(?)，增加口感; 鷄絲就一般貨色，無咩特別; 檬粉量都唔少，食晒成碗都好飽肚。仲叫咗杯香茅橙茶 ($28)，見到條香茅但應該係裝飾用多，無香茅味，若果只當佢係杯橙茶，算幾好飲嘅。