影片
更多
2022-05-17
126 浏览
由灣仔會展去紅磡，以前要行一大輪天橋仲要轉車。今日見新港鐵線通咗車，就去試吓，轉眼間就到咗紅磡，由B出口向前行幾分鐘就到1970年已經係度仲營業緊嘅寶石戲院佢好有特色，一入去就見到有舊戲院必有嘅磅同舊放影機，二樓就有好多經典港產片poster，係打卡好地點。佢對面就係越北牛肉麵，成間店好友越南風情。下午茶時間點粉面仲有特價小食同飲品。玩咗咁耐好肚餓，點咗個越北綜合牛肉湯金邊粉，裏面有好多料，包括生牛肉牛腩片同埋牛肉丸，仲有白蘿蔔同埋洋蔥香菜等，生牛肉唔係用肥牛，好嫩又唔膩。牛腩片大大塊有咬口夠牛味，牛肉丸比平時食嘅細粒但係好彈牙都係好有肉味。朋友仔點咗街頭香茅豬扒湯金邊粉，佢分開咗豬扒上，豬扒好大塊半煎炸，食落唔會鞋，仲好夠味。個粉裏面都有一件白蘿蔔同埋啲香菜洋蔥香料。份量都幾大，唔似下午茶份量。因為唔知佢咁大碗，我哋重點左三個小食炸蝦餅，無骨鳳爪，蝦頭膏焯通菜。炸蝦餅手掌心咁大到切咗做幾件點甜酸醬食味道都唔錯，無骨鳳爪酸酸辣辣咁好惹味，通菜份量都幾多只係蝦頭膏，淨係見到佢個色唔係好食到個味，但係佢唔算鹹，感覺健康啲。飲品要咗個熱鹹吉水，好大杯味道啱啱好鹹鹹地酸酸地甜甜地。反而加咗$8
佢好有特色，一入去就見到有舊戲院必有嘅磅同舊放影機，二樓就有好多經典港產片poster，係打卡好地點。
佢對面就係越北牛肉麵，成間店好友越南風情。
下午茶時間點粉面仲有特價小食同飲品。
玩咗咁耐好肚餓，點咗個越北綜合牛肉湯金邊粉，裏面有好多料，
包括生牛肉牛腩片同埋牛肉丸，仲有白蘿蔔同埋洋蔥香菜等，生牛肉唔係用肥牛，好嫩又唔膩。牛腩片大大塊有咬口夠牛味，牛肉丸比平時食嘅細粒但係好彈牙都係好有肉味。
朋友仔點咗街頭香茅豬扒湯金邊粉，佢分開咗豬扒上，豬扒好大塊半煎炸，食落唔會鞋，仲好夠味。
個粉裏面都有一件白蘿蔔同埋啲香菜洋蔥香料。份量都幾大，唔似下午茶份量。
因為唔知佢咁大碗，我哋重點左三個小食炸蝦餅，無骨鳳爪，蝦頭膏焯通菜。
炸蝦餅手掌心咁大到切咗做幾件點甜酸醬食味道都唔錯，
無骨鳳爪酸酸辣辣咁好惹味，
通菜份量都幾多只係蝦頭膏，淨係見到佢個色唔係好食到個味，但係佢唔算鹹，感覺健康啲。飲品要咗個熱鹹吉水，好大杯味道啱啱好鹹鹹地酸酸地甜甜地。
反而加咗$8嘅越南椰汁冰咖啡就唔係好飲到椰汁味，越南咖啡味道比較甘，唔係個個人都鐘意。
张贴
