兩草 (棉登徑)

营业中

休息中

有時候三心兩意想一次過食唔同菜色，所以就去左【兩草】食左個lunch啦。餐廳係主打港式茶餐廳同馬來西亞菜，所以一次過可以食兩款菜色，仲要係價錢合理既平民食堂。滑蛋叉燒飯：呢個真係招牌無得輸！滑蛋炒到半熟流心，撈埋甜豉油同熱辣辣白飯，蛋香濃郁得嚟帶微微甜味。叉燒半肥瘦，蜜汁入味，仲有燒烤味，夾埋蛋一齊食，口感滑溜又滿足。小籠包胡椒湯：小籠包皮薄餡多，一啖咬落去爆出熱辣辣湯汁！胡椒湯底辛香暖胃，胡椒味濃郁，反而帶出豬肉鮮味、最近又熱又凍既天氣就岩曬。樽仔奶茶：茶底香濃幼滑，入口有淡淡回甘，甜度剛好。尖沙咀分店仲有早餐，除左滑蛋叉燒飯Signature美食仲包括蛋炒豬腸粉、叉燒撈麵、咖央多士，下次會再去試下。