晚餐A $178 晚餐配有餐包、沙律、湯、甜品同餐飲，就算唔係晚餐都會有餐包、湯+餐飲。
沙律
新鮮雜菜沙律配胡麻醬，份量幾多👍🏻
羅宋湯+餐包
羅宋湯熱辣辣上枱，湯底濃郁帶番茄酸甜味，仲有唔少菜同肉，幾足料。餐包鬆軟，唔落牛油都好食。
帶子西冷牛扒（七成熟，蒜蓉汁）
西冷一大塊，煎得啱啱好，外層微焦，內裡肉嫩，牛味濃郁，肉質有咬口但唔韌。配上大大隻北海道帶子，煎得金黃香脆，鮮甜彈牙，蒜蓉汁香濃惹味，滲入牛扒同薯菜，食落好滿足！
2
雪糕紅豆冰
港式野飲，配埋雪糕清涼解膩，夏天飲一流。
士多啤梨雪糕
甜品係士多啤梨雪糕，味道清新，甜而不膩（味道有啲似以前雀巢三色家庭裝入邊嘅士多啤梨味雪糕，好懷念😆）。
招牌牛柳餐 $146 普通set都有餐包、湯同嘢飲，都好夠食👍🏻
忌廉湯+餐包
忌廉湯滑溜濃郁，又係大碗，最鍾意沾埋餐包同湯一齊食🙈🤣
牛柳（五成熟，黑椒汁）
有兩塊，我就食唔晒（加埋前菜）😂 五成熟切開粉紅多汁，肉質嫩滑。黑椒汁濃郁唔會好辣，帶胡椒香，滲入牛柳同薯條，味道平衡，唔會蓋過牛肉嘅鮮味。
熱檸水
正常，唔使加錢。
結論
🫰食物質素幾唔錯嘅港式扒餐餐廳
🫰上碟速度超快😆
午餐都好抵食！
好味度：8/10
