金翠餐廳

营业中

休息中

放lunch係公司附近去左一間風格獨特的餐廳，餐廳結合左老香港扒房和茶餐廳的元素，mix左幾特別。我朋友叫左是日午餐套餐，是日午餐個餐單內容係每日都唔一樣，最後我朋友揀左"海陸空" $138套餐有豬扒、雞扒和串蝦，配薯菜，仲有一碗湯及餐包。份量好多！豬扒勁大塊,煎得唔乾身，口感唔硬，好林！雞扒煎得好香脆，忍唔住會食埋塊皮🤫🤫而我自己叫左全日特餐的"歐陸扒餐" $58有煎香草雞扒，搭配法蘭克福腸、煙肉、煎蛋、茄汁豆、薯餅、沙律菜和厚多士。勁多款配菜，本身都驚唔夠飽，一上菜見到全部大大份，真係不得了！好足份量60蚊食到咁多野，好抵，性價比好高！香味俱全，每一個配料都彼此搭配得唔錯幾好👍🏻我仲加左$8要埋迷你羅宋湯烏冬。這個小小的加料價值絕對超過了價格。