同班同事一早上網book咗枱，收工喺觀塘站行5分鐘，咁就唔洗等，唔洗企門口～
未入去就有職員安排我地戴鞋套同手消毒
一入去就見到唔同貓貓喺餐廳度
全部都好cute又唔怕人
我哋叫咗個四人餐，啲嘢食速度上台非常之快
，全部熱辣辣。
最重要嘅係嘢食絕對係cafe質素以上，有西餐廳級數，絕對唔係敷衍你。我最鍾意呢一個意大利飯
唯一可以挑剔嘅係份量比較細，不過因為入座時間限時兩個鐘，快快食完就可以玩貓貓！
每一台都可以向職員落單買一份乾糧或者罐罐
前提係要我哋先食晒所有嘢清晒枱就可以啦。由於我哋太晏先到嘅關係啲罐罐已經冇晒，我哋只可以買乾糧，吸引唔到好多貓上台玩
另外提一句，幫襯佢哋係可以儲印花，之前有同事錯過印花幫我哋換咗一啲甜品🍮
