How To Live Well (荃灣廣場)

营业中

休息中

呢間餐廳之前聽同事介紹話經常同女朋友去拍拖必去既餐廳之一，今次拍拖都揀係呢間黎食下先😊呢間餐廳係荃灣廣場入面，出面既裝修比較簡約，入面係勁大，好多人黎幫親，我地坐左係望窗既位置，超舒服，d野食質素真係幾好，d櫻花特飲更加係顏值高又好飲，超推薦🌟燒烤汁牛肉沙律上面有有一舊舊好大舊燒烤汁牛肉🥩牛肉味好入味，又吾會煮到好老，d牛肉好嫩，下面係加左醋既沙律，好開胃🌟柚子蜜燒春雞，燒薯有2隻超大隻雞脾🍗上面加左柚子蜜，食落去甜甜地，雞肉燒到岩岩好，仲有青瓜同薯仔做配菜，如果吾夠濃味仲可以點咪佢地特製既燒汁，真係一流🌟明太子忌廉煙肉意粉.黑蟹籽呢個意粉一望落去就知好濃郁，每一條意粉都裹滿忌廉汁🍝仲有好多煙肉🥓上面仲有黑蟹籽同魚籽，可以整碎佢撈咪一齊食，一啖落口全部都忌廉既奶香味🌟抹茶慕斯蛋糕.抹茶雪糕抹茶慕斯蛋糕一啖落去係入口即溶，後綿密，又吾會好甜🍰而個抹茶雪糕既抹茶味好濃郁，呢個配搭真係一流🍧🌟櫻吹雪一送到就已經比佢既顏值吸引左，成杯都係淺粉紅色，下面係用左純椰青水🥥之後上面係櫻花奶蓋，飲落去奶蓋甜甜地，仲有椰青水既清香🌟花冷日用左櫻花蔓越莓茉莉茶梳打去調配既特飲🍹飲落酸酸甜甜，茉莉未都好突出