迷客夏 (利園山道)

营业中

休息中

手調飲品珍珠奶茶依家通街都係，出一次街一杯基本啦，但開始飲到有啲厭，飲得多珍珠奶茶都想飲下其他飲料。今次就去左呢間黃店迷客夏。收銀隔離有一隻核突pepe企左係度，好搞笑。Pepe正下方仲放咗攜叉比人使用。門口位置招牌上嘅珍珠奶茶好似好吸引，但係我唔打算飲珍珠奶茶。我點左一杯益力多綠茶$28。有少許綠茶嘅清新味，大量嘅益力多味，味道酸酸甜甜，好解渴。偶然飲一杯益力多綠茶感覺都唔錯。留意到佢嘅杯身設計都好有心思，係有櫻花圖案，女朋友好中意。