Poke Go (漆咸道南)

营业中

休息中

下午茶時間嘆杯清新雞尾酒、高纖果汁及健康小食。入座食客大多數都係女士，大家追求健康與美，沙律主題食店確實帶有一份清爽感覺。食物方面 - 小食冷豆腐︰一心以為豆腐質地軟爛，原來餐廳使用板豆腐，切落去相對厚實。豆味唔濃，板豆腐吸收醬汁效果少，但口感卻比軟豆腐更好。店家自製汁咸酸比例做得唔錯，偏淡而稀薄，符合健康主題。配上幼碎木魚絲，小許鮮咸香，剛好平衡齋豆腐。蟹肉蟹籽沙律︰頂層舖上一堆蟹籽，混合新鮮清菜及蟹肉，增強整體鮮味。蟹肉雖然被拆成肉碎，實質份量算對得起價錢。肉質帶微微鮮味，店家並唔會用普通蟹柳蒙混過關，有誠意。底層新鮮清菜絲及沙律醬份量適中，入口無油膩感，連蟹肉蟹籽咸甜度非常夾。飲品方面 - Mojito︰店家自動去糖水syrup，只混合強烈薄荷葉、清新青檸及份量適中嘅RUM。整杯飲落好順暢，完全無酒精飲品感覺。即打紅火龍果汁︰鮮果即打成果汁，全無添加色素及糖精調味。比較細杯，性價比相對遜色。