The Salfee Bar

营业中

休息中

途經尖沙咀sogo附近， 在中間道發現有間新開的中型健康食品超市。入去逛逛，果然有很多新發現，其中有間叫Salfee Bar輕食小店，主打沙律三文治同手調飲品，環境好Chill，嘆咗一個豐富午餐。三拼沙律沙律類有十幾款令人花多眼亂，有三或兩拼選擇，我選了三拼，選了番薯球藜麥鹰嘴豆沙律， 番薯球甜甜的， 混埋啲藜麥食唔覺得寡。而且口感好豐富。越式羽衣甘藍糙米沙律，越式甜酸沙律汁好醒胃，羽衣甘藍係superfood 好有益，配上煙煙靭靭的有機短糙米， 提子乾毛豆。 飛魚子果仁蘋果薯仔沙律，蘋果感覺好清新， 中和返兩款穀物類沙律。其實份量都算多有飽肚感。跟餐加20蚊就有藜麥味噌南瓜湯，真係真材實料，值回票價。 有濃濃的南瓜加上藜麥打磨而成，口感幼滑。吞拿魚蛋沙律墨西哥卷餡料方面當然有吞拿魚同蛋沙律仲有新鮮的沙律菜，材料豐富。 墨西哥捲皮烘得脆脆的， 入口時還有點微熱， 非常好味。沙律餐還可以加30蚊就能配上手調飲品， 我揀咗朱古力， 味道偏淡但賣相一流， 拉花拉得好靚。