影片
更多
2023-08-22
58 浏览
深水埗有間好chill 的酒吧餐廳，在寶血醫院斜對面就係，身為深水埗之友，我住附近都以為只係飲酒only 。但仲有其他小食，意粉，味道都唔差。真心，約人都可以去果度chill下。德國咸豬手豬手好大隻，為咗方便我哋食用，廚師將豬手切開數件，外皮好脆口，肉質結實，仲有少少鹹香，點埋蜜糖芥末醬，好惹味。仲有新鮮嘅沙律菜，食落去冇咁飽滯。小食拼盤選擇都算多，每樣大概兩至三件，同朋友仔分享就最啱喇。拼盤裏面有炸雞翼，芝士條，司華力腸，炸洋蔥圈。最印象深刻係芝士條咬開好香，雞翼炸完之後都熱辣辣。焗肉醬芝士大啡菇大啡菇非常大隻，又厚身，咬一口已經好多汁。面層有香濃嘅肉醬仲有芝士鋪喺面，一齊食非常正。叫左兩款飲品，老公叫左友YAU ,啤酒麥味清爽。我叫左lychee cooler，杯飲品好靚好吸引，紅紅橙橙色，仲有香甜荔枝果肉做裝飾。當我飲呢杯特飲，酸酸甜甜，仲有氣嘅梳打水，感覺清新。我哋當日食係星期一，甘岩餐廳係由即日起，所有食物每日 4-8 pm 可享半價優惠。（逢星期五暫停半價優惠）*除了意粉、豬手、迷你漢堡拼盤、BBQ 豬肋骨及腸仔拼盤。要留意餐廳最低消費係每人最少點一杯飲品。要支持下香港餐飲
德國咸豬手
豬手好大隻，為咗方便我哋食用，廚師將豬手切開數件，外皮好脆口，肉質結實，仲有少少鹹香，點埋蜜糖芥末醬，好惹味。仲有新鮮嘅沙律菜，食落去冇咁飽滯。
小食拼盤
選擇都算多，每樣大概兩至三件，同朋友仔分享就最啱喇。拼盤裏面有炸雞翼，芝士條，司華力腸，炸洋蔥圈。最印象深刻係芝士條咬開好香，雞翼炸完之後都熱辣辣。
焗肉醬芝士大啡菇
大啡菇非常大隻，又厚身，咬一口已經好多汁。面層有香濃嘅肉醬仲有芝士鋪喺面，一齊食非常正。
叫左兩款飲品，老公叫左友YAU ,啤酒麥味清爽。
我叫左lychee cooler，杯飲品好靚好吸引，紅紅橙橙色，仲有香甜荔枝果肉做裝飾。當我飲呢杯特飲，酸酸甜甜，仲有氣嘅梳打水，感覺清新。
我哋當日食係星期一，甘岩餐廳係由即日起，所有食物每日 4-8 pm 可享半價優惠。（逢星期五暫停半價優惠）
*除了意粉、豬手、迷你漢堡拼盤、BBQ 豬肋骨及腸仔拼盤。
要留意餐廳最低消費係每人最少點一杯飲品。要支持下香港餐飲了。
张贴
