1
今日我哋去咗一間小店，試咗幾款特色菜。
佢嘅前菜係有少少麻辣味，木耳清爽
好開胃涼瓜炒牛肉，啖啖牛肉都係咁軟滑，涼瓜唔會太鹹，用咗豆豉爆香，好有鑊氣送飯一流！
菠蘿古嚕肉
個菠蘿古嚕肉係新鮮嘅菠蘿同埋炸到香脆嘅古嚕肉，甜甜咸咸嘅味道好開胃，而且佢嘅咕嚕肉係新鮮炸外面脆卜卜熱辣辣！個醬比較酸，所以好開胃！
瑤柱蛋白炒飯
飯粒鬆軟唔會太乾，又唔會太油身！瑤柱嘅鮮味同埋蛋白嘅滑嫩配合得好好。成日去呢啲酒樓都好想食炒飯，因為屋企整唔到呢種鑊氣🤣🤣🤣
最後餐廳送陳皮紅豆沙，紅豆煮得恰到好處，唔會太林太甜，陳皮嘅微苦味同紅豆嘅甜味調到啱啱好！
1
整體嚟講，今次食評係非常滿意嘅，每樣菜色都唔錯！價錢又親民，最適合一家大細嚟！
1
1
