合益泰小食

营业中

休息中

區區有食力，又係深水埗區，尼個腸粉不得了，連我移民咗嘅uncle每次返香港，都一定會來食!去開深水埗食嘢，必須留肚食呢個腸粉，腸粉好滑、唔會粉叠叠加埋混醬配合得天衣無縫！$8蚊4條一人前、二人份量最好叫$12蚊。食嘅時候要成條腸粉沾上混醬，有時阿姐會剪到條腸粉好長，最好咬開一半，將餘下一半再舔醬汁，D醬入左腸粉入面更加好味！個醬好香豬油味加上唔會太咸豉油再加濃度適中嘅甜醬，超正！裝修後，門口光猛整潔，冇以前望落咁殘舊，條巷仔亦都乾淨左好多，就算企巷仔食都舒服D提議大家最好堂食，試過外賣，只係隔左5分鐘，都已經冇咁好食！至於店內其他食物、就冇咩特別。