夏麵館 (荷里活廣場)

营业中

休息中

尋日元宵去開荷里活就試下黎呢間食，冇人排隊，有一半檯空既，坐低點左一碗黃魚麵、炸菜肉絲麵、香辣牛筋同韭黃炒蛋。辣牛筋切到好薄，我不嬲都唔欣賞咁切法，無晒口感，用醬油碟裝、少到唔恨，落左好多麻油、攪到好肥、牛筋好淡，除左有麻油味就乜味都食唔到。韭黃炒蛋，韭黃還韭黃，蛋還蛋，只係撈埋一碟，但韭黃一D蛋都癡唔到，咁叫韭黃炒蛋？？黃魚麵同炸菜肉絲麵，料同麵分開上，碗清湯麵真係好清，湯無味道，麵質爽但唔彈牙，黃魚係咁多樣最OK既，不過有骨未起晒，炸菜肉絲無汁好乾，炸菜同肉絲兩樣野好似無交流咁，同韭黃蛋情況一樣。服務算唔錯，環境迫但可接受，食物真係唔掂，唔怪得初初開有人龍到而家唔使排隊，不無原因。