小點角落 (新都會廣場)

唔好以為想食港式小食就一定要掃街企係到食！今次發現一間位於葵涌新都會廣場既小點角落，港式咖喱魚旦、燒賣、煎釀三寶、牛腩應有盡有，坐係到涼著冷氣都可以掃街！

🏠餐廳： #小點角落
葵芳興芳路223號新都會廣場5樓574A號舖

掃街拼盤

$88

#掃街拼盤 $88
#麥皮蝦芒果沙律脆筒 、#碗仔翅蒟蒻麵 、#特特大魚蛋 、#山椒鹹蛋黃雞翼 、#蝦頭油菜圃燒賣 、#新煎釀三寶 ，一上枱睇見成個拼盤都流曬口水！

鹹蛋黃雞翼＋新煎釀三寶

尤其是咖喱魚旦、鹹蛋黃雞翼、煎釀三寶呢三款最地道超越街邊食既水準！

#麻辣牛根腩
帶少少香辣腩汁製成牛根腩，香口之餘每一口都好入味，而且咬落去都好淋，好食！

介紹完鹹點，餐廳仲有非常多種類甜品任君選擇！

雪糕雞蛋仔102畫室

#雪糕雞蛋仔102畫室
以畫畫的畫盤做靈感，草莓醬加朱古力醬當作顏料，雞蛋仔包裹著冰凍雪糕，一冷一熱冰火交融感覺，所以記得要快啲食！

芒芒小丸子椰皇蛋白

#芒芒小丸子椰皇蛋白

熱的超好吃

#芋頭西米露椰皇蛋白
餐廳嘅椰皇蛋白都非常之出眾，原個椰皇包著蛋白再有其他材料作搭配，份量都非常充足，再加上椰皇內裡果肉甜蜜有口感，非常滿足！

最後餐廳都有特色飲品「手藝小調」系列，品嚐過 #芒芒甘露沙冰 、 #苦瓜香檸茉莉 ，感覺完全媲美街邊手沖茶飲店味道，有時係葵涌行得攰既時侯，真心值得上來坐坐吃個小吃好好享受、品嚐。